2016 jylǵy 31 naýryz, Astana qalasy
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda bilim berý tehnologııalaryn qoldana otyryp oqý prosesin uıymdastyrý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 18) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) bilim berý tehnologııalaryn qoldana otyryp oqý prosesin uıymdastyrý qaǵıdalary bekitilsin.
2. Akademııanyń Rektory U.S.Baıjanov:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasary I.D. Merkelge júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bas Prokýrory A.DAÝYLBAEV
Qazaqstan Respýblıkasy Bas Prokýrorynyń 2016 jylǵy 31 naýryzdaǵy №57 buıryǵymen bekitilgen
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda bilim berý tehnologııalaryn qoldana otyryp oqý prosesin uıymdastyrý qaǵıdalary
1. Jalpy erejeler
1. Osy Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda bilim berý tehnologııalaryn qoldana otyryp oqý prosesin uıymdastyrý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-1-baby 18) tarmaqshasyna sáıkes ázirlengen.
2. Qaǵıdalar Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) qashyqtyqtan bilim berý tehnologııalaryn (budan ári – QBT) qoldana otyryp oqý prosesin uıymdastyrý tártibin anyqtaıdy.
3. QBT iske asyrý mynadaı túrler boıynsha júzege asyrylady: teledıdarly tehnologııa, jelilik tehnologııa jáne keıs-tehnologııa.
4. Osy Qaǵıdalarda mynadaı termınder men anyqtamalar paıdalanylady:
1) aqparattyq-bilim berý portaly – QBT boıynsha bilim berý prosesin uıymdastyrýǵa múmkindik beretin ákimshilik-akademııalyq oqý-ádistemelik aqparaty bar aqparattyq resýrstar men Internet servısteriniń jelilik uıymdastyrýshylyq ózara baılanysqan jıyntyǵy;
2) jelilik tehnologııa – oqý-ádistemelik materıaldarmen qamtamasyz etýdi, bilim alýshylardyń oqytýshylarmen jáne bir-birimen ınteraktıvtik ózara is-qımyl nysandaryn, sondaı-aq Internet jelisin paıdalaný negizinde oqý prosesin ákimshilendirýdi qamtıtyn tehnologııa;
3) keıs-tehnologııa – qaǵaz, elektrondy jáne ózge de tasymaldaǵyshtarda oqý-ádistemelik materıaldar jıyntyǵyna (keısterge) jáne olardy óz betinshe zerdeleý úshin bilim alýshylarǵa jetkizýge negizdelgen tehnologııa;
4) kontent – oqý materıaldaryn aqparattyq (mátinder, grafıka, mýltımedıa jáne ózge de aqparttyq mańyzdy tolyqtyrýlar) tolyqtyrý;
5) qashyqtyqtan bilim berý tehnologııalaryn iske asyratyn bilim berý uıymynyń ınternet-resýrsy – bilim berý prosesiniń qatysýshylary úshin ákimshilik-akademııalyq aqparattary bar ınternet-resýrs;
6) mýltımedıa – paıdalanýshyǵa dıalogtyq rejımde ár tekti derektermen (grafıka, mátin, daýys, beıne) jumys isteýge múmkindik beretin apparattyq jáne baǵdarlamalyq quraldar kesheni;
7) «on-line» – naqty ýaqytta aqparatpen almasý;
8) «off-line» – erkin ýaqyt keńistigindegi aqparatpen almasý;
9) sıllabýs – oqý pániniń qysqasha sıpattamasy bar, oqytylatyn pánniń negizgi taqyryptary kórsetilgen bilim alýshyǵa arnalǵan pán boıynsha oqytý baǵdarlamasy;
10) teledıdarlyq tehnologııa – teledıdardyń efırlik, kabeldik jáne spýtnıktik jelilerin paıdalanýǵa negizdelgen tehnologııalar;
11) testileý kesheni – bilim berý prosesiniń barlyq deńgeıinde bilim alýshylardyń oqý materıaldaryn meńgerý dárejesin anyqtaý úshin qoldanylatyn baǵdarlamalyq qural.
2. Qashyqtyqtan bilim berý tehnologııalary boıynsha oqý prosesin uıymdastyrý tártibi
5. QBT boıynsha oqý prosesin uıymdastyrý úshin Akademııada:
1) bilim alýshylarǵa arnalǵan oqý-ádistemelik jáne uıymdastyrýshylyq-ákimshilik aqparaty bar paraqtarymen bilim berý portalyn;
2) telekommýnıkasııalyq jelige shyǵý múmkindigi bar jabdyqty (Internet, spýtnıktik teledıdar);
3) mýltımedıalyq synyptardy jáne elektrondyq oqý zaldaryn;
4) oqý kontentin;
5) testileý keshenin;
6) oqytýdy basqarýdyń jelilik júıesin (Learning Management System – LMS) qoldanady.
6. QBT boıynsha oqý prosesin uıymdastyrý úshin Akademııa:
1) professorlyq-oqytýshylyq quramdy, QBT-yn iske asyrý boıynsha bólimshesiniń qyzmetkerlerin oqytýdy uıymdastyrady;
2) bilim berý resýrstaryn ázirleý jáne jańartý úshin jaǵdaı jasaıdy;
3) bilim alýshylarǵa oqý materıalyn aqparattyq tehnologııalar nemese qaǵaz tasymaldaǵyshtar arqyly jetkizedi;
4) «on-line» rejıminde keńes berýdi uıymdastyrady jáne ótkizedi;
5) «off-line» rejıminde bilim alýshylarmen keri baılanysty uıymdastyrady;
6) «on-line», «off-line» rejıminde bilim alýshylardyń oqýdaǵy jetistikterin baqylaıdy;
7) aýtentıfıkasııa júıesi arqyly bilim alýshylardyń tulǵasyn sáıkestendiredi.
7. Bilim alýshylardy oqý-ádistemelik materıaldarmen qamtamasyz etý úshin Akademııada QBT-yn paıdalaný arqyly iske asyrylatyn oqý josparlarynyń barlyq pánderi boıynsha elektrondyq oqý-ádistemelik keshender qurastyrylady.
Elektrondy oqý-ádistemelik keshenderdi daıyndaýdy bekitilgen oqý jumys baǵdarlamalary boıynsha kýrstyń ázirleýshisi júzege asyrady.
8. Pánniń elektrondyq oqý-ádistemelik kesheni mindetti jáne qosymsha jıyntyqtarynan turady.
9. Mindetti jıyntyq:
1) pánniń mazmunyn, kúntizbelik-taqyryptyq josparyn, usynylatyn ádebıetter (negizgi jáne qosymsha) tizimin, pánniń modýlderge bólinýin qamtıtyn sıllabýstan;
2) dáristerdiń elektrondyq konspektisinen;
3) praktıkalyq jáne semınar sabaqtarynyń materıaldarynan;
4) bilim alýshynyń ózindik jumysy jáne oqytýshynyń basshylyǵymen ózindik jumystaryna arnalǵan tapsyrmalardan;
5) aralyq baqylaýdy uıymdastyrý materıaldarynan (baqylaý jumystary, testileý tapsyrmalary, jeke tapsyrmalar);
6) qorytyndy baqylaý uıymdastyrý materıaldarynan (testileý emtıhan tapsyrmalary, emtıhan suraqtary, bıletter, emtıhandyq baqylaý jumystary);
7) qashyqtyqtan konsýltasııalar júrgizý kestesinen turady.
10. Qosymsha jıyntyq Akademııamen derbes anyqtalady.
11. Akademııada bilim alýshylardyń derekter bazasyn (bilim alýshylardy qabyldaý, aýystyrý, qaıta qabyldaý týraly buıryqtar, olardyń aǵymdaǵy úlgerimi týraly málimetter) qamtıtyn aqparattyq basqarý júıesi qurylady.
12. Akademııada QBT-ny qoldana otyryp oqý prosesin uıymdastyrýdy tıisti bilim berý baǵdarlamalaryn iske asyratyn qurylymdyq bólimsheler júzege asyrady.
13. QBT-yn súıemeldeýdi júzege asyratyn qurylymdyq bólimshe oqý prosesin josparlaıdy jáne uıymdastyrady, QBT-ǵa baılanysty qujattamany júrgizedi.
14. QBT-ny súıemeldeýdi júzege asyratyn qurylymdyq bólimshe QBT-nyń elektrondyq oqýlyqtaryn, mýltımedıalyq kýrstaryn, ádistemelik quraldary ázirleýdi, alýdy jáne ıgerýdi júzege asyrýǵa konsýltatıvtik kómek kórsetedi, bilimdi baqylaýdyń testileý júıesine jáne basqa da quraldaryna ákimshilik etedi, QBT-ry úshin aqparattyq resýrstardy paıdalaný ádistemesin ázirleıdi.
15. QBT-yn súıemeldeýdi júzege asyratyn qurylymdyq bólimshe qashyqtyqtan oqytýdyń baǵdarlamalyq, aqparattyq jáne tehnıkalyq quraldaryn ázirleýge, ıgerýge jáne qoldaýǵa belsene qatysady.
16. Akademııa bilim alýshylarǵa qazirgi zamanǵy qoljetimdi barlyq telekommýnıkasııalyq quraldardy paıdalana otyryp, oqý prosesine qatysýshylardyń ózara áreket etýi arqyly ádistemelik kómekti qamtamasyz etedi.
17. Bilim berý qyzmetiniń barlyq túrleri:
1) oqytýshynyń nemese QBT-yn súıemeldeýdi júzege asyratyn qurylymdyq bólimshesi qyzmetkeriniń bilim alýshylarmen telekommýnıkasııalyq quraldardy paıdalana nemese Akademııada tikeleı baılanys ornata otyryp qatynasy;
2) bilim alýshynyń oqytý quraldarymen ózindik jumysy (OÁK, qosymsha ádebıet) arqyly júzege asyrylady.
18. QBT qashyqtyqtan oqý sabaqtaryn «on-line», «off-line» rejıminde ótkizýge negizdelgen.
19. «On-line» rejıminde oqý sabaqtary naqty ýaqyt rejıminde oqýdyń ózara is-áreketi prosesin qarastyrady (beınekonferensııa, Internet jelisimen habar almasý, telefon apparaty arqyly kelissózder).
20. «Off-line» rejımindegi oqý sabaqtary oqytýshy men bilim alýshy arasyndaǵy asınhrondy tildesýdiń (elektrondyq poshta, keıinnen aralyq jáne/nemese qorytyndy baqylaý tapsyrýmen oqytýshynyń tapsyrmasy boıynsha bilim alýshynyń oqýlyqpen jumysy) oqý is-áreketi prosesin qarastyrady.
21. Bilim alýshylardyń úlgerimin aǵymdyq baqylaý jáne aralyq attestattaý oqý jumys josparyna, akademııalyq kúntizbege jáne oqý baǵdarlamalaryna sáıkes júzege asyrylady.
22. Úlgerimdi aǵymdyq baqylaýdy jáne aralyq attestattaýdy:
1) telekommýnıkasııalyq quraldardy paıdalanýmen qosa on-line rejıminde bilim alýshy men oqytýshynyń tikeleı qatynasy;
2) avtomattandyrylǵan testileý keshenderi;
3) jazbasha jeke tapsyrmalardy tekserý (keıs-tehnologııa) arqyly ótkizýge ruqsat etiledi.
23. Bilim alýshy pán boıynsha aralyq attestattaýǵa oqý jumysy baǵdarlamasymen belgilengen barlyq baqylaý is-sharalaryn oryndaǵannan jáne tapsyrǵannan keıin jiberiledi.
Buıryq Qazaqstan Respýblıkasynyń Ádilet mınıstrliginde 2016 jylǵy 30 sáýirde Normatıvtik quqyqtyq kesimderdi memlekettik tirkeýdiń tizilimine №13672 bolyp engizildi.